Resolución de obxectos matemáticos (3)

3º poster de Obxectos matemáticos cotiás.

Máquina elíptica

Como podemos observar na seguinte foto (o código html da simulación en Geogebra parece incompatible con Blogger), o mecanismo dunha máquina elíptica consta dun émbolo, un de cuxos extremos recorre unha circunferencia e o outro extremo recorre un segmento, que contén un punto P (onde se apoia o pé) que descrebe unha elipse.

 

Diafragma dunha cámara fotográfica.

Cando disparamos unha cámara fotográfica estamos abrindo unha cortina e deixando que a luz entre nela a través dunha ventá chamada diafragma. Dependendo do que abramos máis ou menos o diafragma a cantidade de luz que penetra na película será maior ou menor.

Fotografía do blogue: Progresos en el mundo de la fotografía

No obxectivo da cámara hai unha arandela graduada cunha serie de números que se chaman números f (f de factor de proporcionalidade).

A serie de números é: 1   1,4   2   2,8   4   5,6   8   11   16

A razón deste números é que para que entre o dobre de luz se necesita un factor de proporcionalidade raiz de 2; resultando unha progresión xeométrica de razón raiz de 2.



Enxame de abellas.

Podemos acudir ao artigo: Abellas e Matemáticas de Javier Sampedro, en Tetractis 48, onde se fala de:

• As abellas resolven o problema isoperimétrico.
• Comunicación das abellas en círculos e oitos.
• A sucesión de Fibonacci nas abellas.
• As abellas resolven o problema do viaxante.

Tendido electrico dun tranvía.
O tendido eléctrico debuxa unha catenaria (curva que descrebe un cable que está suspendido dos extremos).
Podes ver tamén catenaria (ferrocaril).

Margarida.
A margarida ten un número de pétalos igual a 21 (a máis común) ou 34, ámbolos dous son elementos consecutivos dunha sucesión de Fibonacci.

Home de Vitruvio.
O Home de Vitruvio é un debuxo feito por Leonardo da Vinci, para a obra A divina proporción de Paccioli.
É un canón de proporcións humanas e relacionado co número áureo.